المستحيل افضل كدة ، بقلم / إيمان صابر

كان مستحيل افضل كدة

مسجونة فى بحورك

وليلك ليل طويل

والاشتياق للانفجار

مشوار طويل

ولو انه برضه مستحيل

مسجونة فيك سجن الخلود

سجن انصهارى من الوجود

والمستحيل افضل كدة

عودتنى النوم الطويل

وانا بتحرق جيل بعد جيل

كان انبهارى بيك جميل

كان احترامى ليك مثير للاهتمام

كل اللى شافنى معاك

قال يا سلام ع الاحترام

كان حبى اكبر م الكلام

كان شىء خيالى

كان حتى اكبر م الخيال

كان انبهارى بيك جميل

انسان خطير

اوقات في عيني تكون امير

مخلوق جميل

فارس وركبنى الحصان

لكنى بعد العمر فوقت

بصيت فى وشك فجاة دخت

انا كنت وخدة فى حضنى اب

صدمة لقيتنى معاك بضيع

م العمر عدت كام سنة

فجاة الخطوط البيضا فوق راسك لقيتها

انا كنت جوه عينيك بموت

كل اما تحضن جسمى

احس فيك بموت

واهرب شوية بالدموع

وشوية تانية بالسكوت

كانت حياتى معاك كدة

والمستحيل افضل كدة

انسان ضعيف بالشكل دة