بقلم سيد صادق عنوان القصيدة الحياة

قوم وكسر ف جمودك

واعلن للدنيا وجودك

و ان خيالك حب يشطح

افتح له كل حدودك

مهما يحصل او يقابلك

زيك زي اللي قابلك

 

لما وقعوا قاموا تاني

قوم وكسر ف سدودك

الحياه فيها وفيها

من ده يوم

ومن ده يوم

غيرك قاعد

ف عاليها

وانت ..

بتعد النجوم

الدنيا بحر 

موجه عالي

وغصب عنك 

لازم تعوم

ومهما تعمل

الليالي

وتكعبلك وتوقعك

لازم تقوم

اعتبر عمرك 

بس يوم

وخليك واثق ف نفسك

و سمع الدنيا ردودك