بقلمي...هشام عوض محمد عنوان القصيدة منايــا

منايــا

•••••••••••••••••••••••
منايا اعيش فـ راحه ياريت
يعيش الحب ويـــــــــــايا
و حبك إنتِ هو البـــــــيت
وساكنه فـ قلبي جوايــــا
*♥♥♥♥♥♥♥♥♥♥♥♥♥♥♥♥*
منايا نكون سوا إتـــــــنين
بروح واحده كده كفايـــــه
ونبض يدق بين قلـــــبين
ويحكي فـ حبنا روايـــــــه
*♥♥♥♥♥♥♥♥♥♥♥♥♥♥♥♥*
منايا انسي زمن فاتنـــي
وارمي قساوته لورايـــــــا
وأنسي قلوب وجرحتنــي
مدام إنتِ هنا معـــــــــايا
*♥♥♥♥♥♥♥♥♥♥♥♥♥♥♥♥*
منايا ياريت تحبينـــــــــي
تكونيلي أنا مــــــــــــرايه
بكل حنان توافينـــــــــــي
وتملي عليّ دنــــــــــيايا
*♥♥♥♥♥♥♥♥♥♥♥♥♥♥♥♥*
منايا تكوني يامنــــــــــايا
حياتي وروحي وهوايــــــا
منايا تكوني ضلايــــــــــه
وبلسم جرحــــــي ودوايا
•••••••••••••••••••••••