ساعات ، بقلم / حورية ميلك

ساعات بلاقي كتير

الباب موصود على

والفرحة جوايا

بتهز وتخبط فيا

من كثر السعادة

باحس اني طايره

والغربة مش هماني

باضحك وافرح وانط

على سرير من سحاب

من غير لا خوف ولاهم

و ارجع ومن تاني

أسال نفسي

هي الفرحة دي

هتبقى معايا ولا يوم وبس

وتبقى مش ليا

الحزن هايخيم

والدنيا هاتضلم

والسحاب يغيم

بأدفن نفسي

وانا في الحزن معلم

فجأه أشم عطر جميل

وابص على منظر أجمل

براءة بتتنطط

وتشم ورد وتدهالي

بابتسم من تاني

وأرجع وأحلم

ااه يادنيا انتي مغلباني

حوريــــــــــــــــات

13/05/2013