بقلم جيهان فتحى عنوان القصيدة الم الحبيب

الآآآآآآآآآآآآآآآآآآآآآهــــ
~*~*~*~*~*~*~

لما الآه تطلع من قلبك .. 

ماتشوفهاش ... 

مين اللي وجعها .. 

مين اللي جرحها ... 

مين اللي دبحها وما صنهاش ... 

يبقى أكيد اللحن شذوذ ... 

وإنت الفايز وإنت الميت والمحظوظ ... 

لما الآه ترسمها حروف ... 

حرف بدمعة .. 

وناس مش سامعة .. 

وحرف بخوف ... 

لما السطر يغمض عينه .. 

ينزف حبره ويا أنينه .. 

علشان غدر الناس ما يشوف ... 

يبقى أكيد اللحن شذوذ .. 

وإنت الفايز وإنت الميت والمحظوظ .. 

لما الآه ترسم ضحكاية ... 

جوة عيون أجمل نجماية ... 

كله يسقف أحلى حكاية ... 

بس ما شاف ف عيون الضحكة ... 

نار الحزن مع الدمعاية .. 

يبقى أكيد اللحن شذوذ ... 

وإنت الفايز وإنت الميت والمحظوظ ...