هتوحشينى بقلم صالح شرف الدين
هتوْحشيني يا أم الضفاير ليل
وملامح الحزن منقوشة على جبيني
هتوْحشيني
ياللي القلوب بِتِتْعذب في حبك
ولا طلتك في يوم ولا طلتيني
هتوّحشيني
عمّال أغازلك واغْزل في غزْلِك
ومش قادرة حتى تحميني
هتوْحشيني
من يوم ما دندن الفجر بحروف اسمك
وانا حاسك وانت إمتنى راح تحسيني
هتوْحشيني
بحبك وعمْرما كحّلت عيوني طلّتك
وانت كلّي نبضي الساير في شراييني
هتوْحشيني
بيحكوا عن حسنك ويتحاكوا ملايين المغرمين
والحسن حزن غطّى الضّي في عيوني
هتوْحشيني
ْ
بتْحبي كل الناس وحبيبك بينداس
مضحوك عليكي ولّا إنت كرهتيني
هتوحشيني
قطة بتاكل ولادها ولّا دا زادها
قولي لي إنت ليه ولدْتيني ؟
هتوْحشيني
أنا مش كافر لإني في يوم هسافر
قومي خديني لآخر الأحضان ودّعيني
هتوْحشيني
ليست هناك تعليقات