^__^ جيهان فتحي ^__^يا حـــــبيبتـــــــي :::

لو سمحتي يا مدينتي .. 

نفسي يوم تبقي حبيبتي ... 

نفسي يوم تنسي تبيعي .. 

مرة كوني ورود ربيعي .. 

نفسي تبقي ف يوم حقيقتي .. 

لو سمحتي يا مدينتي .. 

نفسي كل سفينة فيكي .. 

تبقى جاية .. 

مش مهاجرة .. 

إنتي ليه لدمايا هادرة .. 

حتى حلمي بصبح ليك .. 

لسة ليه وعليَّ حاجرة .. 

لو سمحتي يا مدينتي .. 

حسسيني بالإحتواء .. 

وإن حبي وأملي فيك .. 

مش غباء ... 

وإن أيوب .. 

عاش وصابر ع البلاء .. 

بس إنك ما تعيشيني غير دماء .. 

هو ده اللي أنا كارهه فيكي .. 

يا حبيبتي .. 

علميني إن الأمومة .. 

حاء وباء .. 

مش وباء .. 

وإن أسمى غاية ليها .. 

الإخـــــــــــــــــاء ..