الثورة لسة ما ابتدتش ، بقلم /

كل يوم

بيعدى يثبت

ان لسه م ابتدتش

وانت يا امه

ساكته صامته

ايه يفيد الصمت بس

اضربات عماله تاكل

فى النخاع

... نيل بيبكى م الجراح

شعب جاع

ثورة قامت لأجل

حامد يبقى حر

قاللى يابا لسه

بدرى كاسنا مر

قلت ياابنى بكره

جاى مافهش زل

قاللى يابا ازاى

هصدق والكابوس

كل يوم فى المنام

عمال يدوس

امن ضايع فى الشوارع

والنفوس

قاعده تجمع فى الكراسى

والفلوس

عايزه تبنى حصن ليها

مش لمصر

عايزه تطفى اى ضى

لاى عصر

قلت يا ابنى

مصر محروسة بحنود

فى سماها وفوق ترابها

وعلى الحدود

ممهما فعلو مهما رسمو

لانكسارها

باقية شامخة نيل بيجرى

فى الوجود

قاللى يابا م انت شايف

كل يوم

اضربات عماله ترسم

فى الغيوم

والنهارده فكرتنى

بعصر فات

عصر فاسد افتكرته

يابا مات

والحقيقة هو هو

ما انتهاش

اختلافه بس فى

نوع القماش

كل جلسة تلقى دوشه

والله يابا

اغلبية مادة ايدها

بدون رقابة

قلت ياابنى قوللى انت

أعمل ايه

ثورة قامت سلطة نامت

نعمل ايه

راح فساد جه عناد

وبايديه

اغلبية والكراسى

منها فيه

قاللى يابا لسة بدرى

م ابتدتش

ثورة التحرير هتبدأما انتهتش

ثورة التحرير هتبدأما انتهتش