يارب مدد ، بقلم / محمود وحيد

الحُزن فى عموم البلد

فُوق الحيطان

جوة الحوارى

فى الغيطان

الحزن ويًانا إتولـــــــــد

أأأأأأأأأأأأأه يا بلد

حتى الشجر

ضى القمــــر

الكل فى رحابك بكى

حزنان على دم الولد

تاه الولد

واتبدل الحلم بجراح

راح اللــــــــــى راح

الحسبة مش حسبة عدد

عقلى شَرَد

والدم فى عروقى إنتفـَــض

بيلوم على قلبى اللى داب

نبضه هَدَد

إنتَ المَدَد

يا رب بلدى بتندبح

وطنى جَنـــــَــــح

وسفينته فارقها الوتـــد

مليون مَدَد

يا رب يا واحد أحــــــد

إنزع ما بينًا حقدنا

واقبل دعاوى من سجد