صــــــو ت ا لـــجــبــــــا ن ، بقلم / أبو عمار المصرى

خليك برة الصف ......خليك برة اطار الصورة

خش ف جحرك

إوعى تبان من ريحتك ريحة ............تخرج ليه

كل الناس دى .......ما هيش مجبورة

عمرك سرّك ......إيه راح تاخدوا لما تموت ؟

رحمة ونور على قلب امه ....

عز شبابه ...وإسم شهيد

واللى تمص الشفة بشفة .....عينى عليه

حتى ان وصلت لطم خدود

يوم واتنين كام سنة ويعدوا ...والأيام بتنسّى كتير

دمك غالى وعمرك غالى...طب قول فين شهدا التحرير ؟

فين شهدا تلاتة وسبعين ؟

عندك حق ....قلنا كتير ..وصرخنا كتير

ولا حد يشوف ولا سامعين

واللى رصف بالدم طريقه ...واللى النار بتقيد ف حريقه

واللى ما لوش غير أخ شقيقه

مانشيتات وصور ...وخلاص

واللى تبات والصورة حضناها ....

وطفل بيبكى ..ماما ....ما جتشى ..ويارب تجيب بابا معاها

وما بيجيش .............بقوا أموات ...أشباه ناس

يبقى الأحسن يابن الناس ..............تسمع صوتى

وتخلّيـــك برة حدود ...موتى

حلوة الدنيا

عيشها بحالها قد ما تقدر

وان ربك عايز يبدلها .....................راح تتغيّـر

دة انت يا دوب ......واحد م الكل

أحسن لك بقى ...عيش ف الضل

سيبـــك ........سيبــــك

اللى يصيبهم يوم ..ح يصيبك

وانت بعيد

عامت ......ح تعوم توصل بر أمان

غرقت .....انت ف حالك مش خسران

من غير ...نار ...ورصاص ...وحديد

موتك يا بنى ........مش ح يفيــــد

حتى ان رحت .....وألف شهيــــــد

مش .......ح ..........يفيــــــــــــد