انا وعيونك ، بقلم / سميرة الإسريجي

انا وعيونك بنا حكايه

رمشى ورمشك كتبوا روايه

بنا حاجات وحاجات جوايه

انا وعيونك صوره ف مرايا

---------

انا وعيونك رمش وننى

منك حب والشوق منى

كل مارمشك يقفل حبه

بيشدنى لعنيك تحضنى

-----------

انا وعيونك حرفين كلمه

كلمة حب ف اجمل غنوه

لو تتقال بتحن قلوبنا

تبقى الغنوه جميله وناعمه

---------------

انا وعيونك سوا اصحاب

بنا محبه وبنا عتاب

بنا ميعاد مع شمس شروقنا

اما غروبنا مفهش غياب

--------------

انا وعيونك بحر وسمكه

وان صياد او اجدع شبكه

فرقوا حبه مابينى وبينك

نعمل ثوره ونعمل عاركه

----------

انا وعيونك خطوه فى سكه

تبعد اقرب واسبق حبه

تجرى تقرب منى وتسبق

وبتعشقنى وانا ليها عاشقه

عاشقه عيونك وعنيك عاشقه