سلمية بقلم سامح لطف الله
سلميه إيه ورموش عنيكي دبَّاحين؟/
صواريخ وطالعة للسما من فوق خدود/
والحلم جوة العين مخازن للبارود/
حارسه الخدود صاينة الحدود/
بتلاغي عيني الغمازات /
خندق وصايد دبابات /
وعنين بتشبك ألف قلب ف خيط طويل /
والشعر جامح ف الفضا زي الحصان /
والقد يتمخطر يميل يأسر آلاف /
بيقولوا سلمي لمَّا بتهز الكتاف/
جرينوف ومتعبي الرصاص /
إرفع إيديك سلِّم وخاف/
ما تعدوا يله القوة ورباط الخيول /
عايزينِّي تاني إيه اقول/
سلِّم خلاص وارفع إيدين /
ليست هناك تعليقات