من صفحتى انا والبحر
الشاعر عونى هشام
=============لحظة حنان
صوتى راح
عمرى راح
ولسه ما طل الصباح
كان زمان
عندى امل
كان زمان لكنه راح
الاذان في غير مكانه
والكنائس
بتعاكس الرياح
ليه يا زمن
ليه الامان
عايز امان
اللى كان
من فترة عندى
راح معاه كل اللى كان
الامل موجود في قلبى
حتى قلبى
معدش فيه زرة حنان
الحنان اهديه لمين
والامان
شوف عند مين
تلاقى واحد
فارد له لحية
وهو فين من كل دين
وتلاقى تانى
عامل لى عنتر
تقول له بخ يقول آمين
القتل ماشى
في كل حته
في الظلام او في النهار
الامان معدش سكة
وكل سكة دمار ونار
صوتى راح
عمرى راح
كان نفسى اعيش
يومى بامان
الامان عايز حراسة
والحراسة
عايزة فلوس كمان
اللى نفسى فيه انا
كتير ومثلى بيحلمه
حتى حلم كتير علينا
نحس يوم بالحب
او لحظة حنان
============
24/8/2013
ليست هناك تعليقات