حلم أتولد ، بقلم / أحلام

جوه الميدان حلم أتولد

ووجوه بتهتف بالأمل

على يوم جديد

عرفانى يا أم الطيبين

أنا كلمة أتخنقت

جوايا من سنين

ويوم حزين ....

وضحكة مشقوقه

بلون الجراح

أنا حلم مكسور زمان

فوق الورق وبتصرخ

جواه كل الحروف

بحلم أشوف نيلك

بيضحك من جديد

وأرضك الخضره

بتحضن شمسها

وعصفورى المسافر

من سنين وكان

حزين يوم الفراق

راجع بيحضن خطوتك

فارد جناحه لسكتك

شايف الشوق اللى

فى عنيك وضمته

أنا العاشق

لنور فجرك وطلعته

عرفانى يا أم الطيبين

أنا المصرى بطيبة نيله

وخفة دمه وثورته