ياروحى روحيلها ، بقلم / المدثر بن يحيى

ياروحى

روحى منى

وروحيلها

هى أغلى

عندى منى

ياريت تقوليلها

..

ياعمرى سامحنى

أنا وهبتك للغالى

لو حتى جارحنى

عمره مابيغيب

عن بالى

..

فى هجره

مسامحه

وفى قسوته

بسامحه

ولويطلب عينايا

خدها وأدهاله

..

أه فايده عيونى

وأنا من غيره

مش شايف

أديهاله أحسن

وأعيش معاه

مش خايف

..

أنا مقدرش أعيش

من غير قلب

من غير حب

من غير الشفايف

من غير هواه

من غير لقاه

مقدرش أعيش

لكن من غير عنيا

هعيش

بعيونه شايف

هعيش

بعيونه شايف

..

بحبك فى ويلك

فى شمسك وليلك

ولو حتى هاجرنى

أأمرنى أجيلك

..

بحبك وشعرى

فى مدحك طاوعنى

ولو حتى جارحنى

بيشكر جميلك

ولو حتى جارحنى

بيشكر جميلك

..........................................م د ث ر