مصر بقلم : سميره الاسريجى
حرفين والتالت متغرب
تايه عنهم
بيلف وعمال بيدور
ضايع منهم
الميم مجدك
كان مين ادك
سرقوا فى عزك
قتلم ولدك
ولا حسوش بالحزن فى دمعك
والراء رحمه
الراء رحمه فى قلوب اهلك
مسلم ومسيحى
بيحبك
ضحوا بروحهم
سوا فدا ارضك
علوا ف مجدك
اما الصاد
الصاد ضايع بين لاتنين
مش عارف وخداه على فين
صادك صبر
صادك صبر على ده القهر
طول الدهر
وصادك صبر
وصبرك صعب
مين زيك
يقدر يصبر فوق الصبر
ميمك مجد
وصادك صبر
وراءك رحمه
وقلوب ناسك زى الماس
قومى يامصر
قبل ماتوقع الفاس فى الراس
وينهش فيكى بكل حماس
المتخفى مابين الناس
قومى وهمى وارفعى راسك
وولادك واقفين حراسك
هايشيلوا الصبر اللى صادك
ويولعوا بيها احساسك
علشان تقوى
اقوى بااهلك همى بناسك
وارفعى راسك
ارفعى راسك
-------------
ليست هناك تعليقات