ثــــوار ، بقلم / سيد فاروق

الورد ف الميدان

نور على الأخيار

الفل والريحان

بينقلو الأخبار

طلع الولاد هتفو

وزلزلوا الميدان

والخونة انكشفوا

هنا على البيبان

شعبنا حدد هدفه

ولازم نعيش أحرار

عمره ما يفرط في شرفه

الحياة هي الخيار

الشهيد قدم هنا روحه

ما خفش إنه يموت

والمجاهد نزفت جروحه

وصرخ بعلو الصوت

لازم نحاسب الظالم

مهما كلفنا الحساب

شعبنا صاحي مش نايم

دا كل مطر من سحاب

يا مصر عاش ولادك

وعشت حرة يا بلادي

الدنيا تعرف أمجادك

وزرعك هو حصادي

دي مصر أرض الله

محروسه بعنايته

تمشي تقول الله

نرفــــع هنا رايتــه .