يا بلدي ، بقلم / موسى عثمان

ذلي فينا يا بلدي ذلي

ما انتي اخر شيء فاضلي

بس لو اشوفك في ضلي

هبعد الخوف عن عنيكي

واحضنك واطبطب عليكي

وافضل ابني واعلي فيكي

مهما فيكي ايه حصلي

اصل انا ابنك حبيبك

لو سابوكي انا مش هسيبك

لو تروحي فين هجيبك

من بعيد نورك واصلي

من زمان بصعب عليكي

وانسحل واتشد فيكي

واما اغيب يوم عن عنيكي

هبقى بدعيلك وأصلي

اني الاقي الحق فيكي

جامع الدنيا في ايديكي

بس لما اصعب عليكي

ارحمي ضعفي وذلي

مش ضعيق انا غصب عني

لو حسبتيه ضعف مني

اني اتذلل في حبك

واني اكون حواليكي جنبك

واني احارب في اللي ظلمك

يبقى ضعفي اقوى مني

يا حبيبتي انا بيكي راجع

اقوى من كل المواجع

لو قالولك اني بايع واني صايع واني ضايع

اوعي يوم تتخلي عني

اصل انا حالف أصونك

وابعد الخوف عن عيونك

بس لو دكيت حصونك

اوعي يوم تتبري مني