مصر ، بقلم / محمد الساعى

ومصر محتاره مابين..اللي شاريها

واللي باعها

مش قادره تفهم

هما ليه بيعذبوها ...

وبيحرقوها

وبيستبيحوا ليه خضوعها

ومصممين – بكل قسوه –

يزيد وجعها

قالوا مصر مش هاتبكي

بس شفنا – وبإيديكوا –

حرقة دموعها

كنا ما نتمنى تبكي

غير لباريها وبديعها

مصر الأصيله الطيبه

أم الدموع قريبه

محتاجه ايد تمسح دموعها

محتاجه ايد تبني عشان

يرجع ربيعها

محتاجه لينا كلنا

مش بس طايفه أو فصيل

محتاجه يطلع فجرها

من بعد ليل اسود طويل

مصر الأبيه .. للرجال

بس الرجال

والباقي كله .. الى زوال

ومصر شفناها بتصرخ

والصرخه طالعه من ضلوعها

محتاجه ايد تمسح دموعها

محتاجه ايد تمسح دموعها