بحبك ---- يا مصر بقلم/ ابراهيم الغنيمي

اتعودت اكتب واتكلم ----------- عن حبيبتي اللي عندي غالية

لو تعبت أنا اللي اتألم ---------- أجري عليها أشوفها في ثانية

أنا دايما منها بتعلم ------------------ ازاي أدي وايدي سخية

شعرها ليل اسود سهران -------- وبشرتها سمرة وقمحاوية

ومن غيرها بكون حيران -------- ماهي في قلبي بمكانة عالية

بتوحشني وانا معاها تملي -------- ماهي هي ليا أمي التانية

كتير كنت ليها بغني ------------------ وهي رايحه وهي جاية

مقدرش ابعد عنها يوم ------------------- وأتيتم لو بعدت هي

وأتعكر ويرووح – النوم --------------- ومن غيرها حياتي أسية

عايشه معايا وعايش معاها ------------- وبينا حب ورومانسية

روحي وقلبي الأتنين فداها ------- ماهي عمري كمان وعينيا

غيرتي عليها حب فيها -------------- مش شك ابدا ولا انانية

جمال طبيعتها زايد حلاوته---- ملكة علي عرش واحلي صبية

مش عارف اوصفها كفاية طيبتها -------- حبيبتي مصر العربية