ماتزعليش يامصر
انتى كل دنيتى...
اللى صابك فى
عظمى كسر
ليه تزيدوا فى دمعتى..
..............................
انا عملت جسمى جسر
دوسوا عليه
وبدوسكوا فيه تكتر فرحتى..
...........................
ان بعض العسر يسر
مع الايمان والتقوى
ويا الحب ترجع امتى
........................
ما تزعليش يا مصر
ما تزعليش يا مصر
=============
ليه الالام تملا قلوبنا
والعذاب يذيد دموعنا
لفراق حبيب او اخ غالى
..........................
ليه انكتب على اب وابنه
كل واحد في طريق
حتى الطريق ماعدش خالى
.........................
من القنابل والرصاص
ازاى ادوس واقتل يا ناس
يمكن ابويا او حتى خالى
..........................
مين السبب قولولى ليه
شكيت لربى وهو وحده
اعلم بحالى
........................
ما تزعليش يا مصر
ما تزعليش يا مصر
=============
انتى بجراحك بتواسينى
وانا بآلامى بدوس عليكى
......................
انتى قلبك بيساعينى
وانا بجحودى ما احن ليكى
......................
انتى قلب لكل ظالم
مها كان بيعض فيكى
.....................
انتى صدر لكل طفل
يرضع حليب
وانتى حضناه بين ايديكى
........................
انتى حضن الكل
مهما كان آسى وعاصى
برضة ما يهونش عليكى
.........................
ما تزعليش يا مصر
ما تزعليش يا مصر
=============
الامل دايما في عينك
والتاريخ شاهد عليكى
.........................
الزمن لو دار بوشة
بكرة لازم هيناديكى
..........................
انتى حضن الكل
وام الدنيا ديا
اه يا امى لو حسوا بيكى
كانت الدمعه بعنيهم
تزرع الخير
بس مين هايحس بيكى
.......................
واللى جار في يوم عليكى
بكرة يركع بكرة يندم
انتى هاتسحميه وعارفك
ما يهونش عليكى
..........................
حقك عليا اعمل ايه
طب وايه
بايديا غير انى اقولك
ما تزعليش يا مصر
سامحينى
ما تزعليش يا مصر ، بقلم عونى هشام
![ما تزعليش يا مصر ، بقلم عونى هشام]()
مراجعة بواسطة
عبده جمعة مدير تحرير رؤية قلم
في
7:02:00 م
التقييم:
5
ليست هناك تعليقات