يارب ، بقلم / محمود وحيد

يا عاشقين الجـاه

والسلطة والكرســى

إبليس طلبهم تاه

فى الجنة ما سكنشى

وقارون غواه المال

واغًتر ما فهمشـــــــــى

تحت التراب مثواه

بكنوزه ما سلمشــــــى

الدنيا فانية يا خلق

سيبوا الحياه تمشـــــى

ما تزيفوش الحق

د المكر ما يدومشــــى

والدم له حرمته

لو سال ما ينشفشى

مهما بكينا عليه

ببكانا ما يعودشـــــى

والعبد لو سامـح

ربه ما يسمحشــــى

إسلامنا دين الصفا

بالقتل ما أمرشــــــى

ورسولنا رحمة كون

طاهر ما يظلمشــــى

يا كل خلق الله

أرجوكوا ما نتوهشـــى

مدوا الإيدين بالود

دى بلدنا ما تهونشى

الكرسى كرسى شيطان

مملوك ما يملكشـــــى

واللى يقول يا رب

كسبان ما يخسرشـــــى

ياااااااااااااااااااااااااااااااااااااارب