جالي الغفير وقالي لو سمحت يادكتور عدي
بكره على امن الدوله
عشان عايزينك
مفاصلي كلها سابت
يادي المصيبه
عايزيني في ايه
المهم رحت
ودخلت وبعض الناس موجودين
وقعدت
السلام عليكم
وبخبرتي الطويله مع البهائم
عارف إن القعده ها طول
فدائما آخد مصحف معايا
وده يغيظهم
ويطلع ناس ويدخل ناس
وانت في ركن
كم مهمل ليست لك قيمه
وتقريبا والله اعلم مشيوا وسابوا الراجل الكبير لوحده
قمت وقلت اطلع عا السلم
ولقيت باب مفتوح
ايه ده مين ده ايه ده مين ده
والراجل اصفر واخضر
زي ما يكون شاف عفريت بلحيه قدامه
ياعسكري فلان انت باابن الجزمه
وقابلني العساكر
وصرخوا في وشي ايه
اللي جابك هنا
عدو عدو
يا اخوانا فيه ايه انتم اللي طالبيني
آه انت فلان
طيب ادخل
واول ما دخلت
الوجه الاليف تجهم
والساعة اتقلعت
وبصوت عبوس تعرف ايه عن
وبكره اكمل لكم
(2)
وكمان قلع ساعة
وبعده فتح زرار القميص
تخويف رخيص
ابتسمت ابتسامه صفرا
ابتسامة أموات
البكا اهون منها
ومن الفزع والخوف
حاولت مرات
وانفرطت من بقي كلمتين
أنا راجل دكتور
لى رأي الحر
خبط ع المكتب
بقوه وقال اهدا
يادكتور
احنا عايزين
نصنفك
انت تبع مين
ملعون ام بلد
الواحد بيتأذي
بسبب دين
ودين مين
دين الأغلبيه
وبسبب الظلم
الناس كرهت الدين
ونسب الدين
ونرجع نقول
الدين
في القلب
ياناس انا مسلم
أحب بلدي
لا أنا شمال ولا يمين
اتفضل معايا
آه حجرة الاعتراف
حجره صفراء
كل اللي فيها أصفر
حتى لوني ولونه اصفر
وبدا العذاب
والمصباح لساعات
يتحرك
جيئة وذهابا
وتمنيت الموت وتنتهي
الليلة الهبابا
وبعد خمسة وعشرين
فيه ناس تاني عايزين
يرجعونا لأمسنا الحزين
استجواب امن دوله ( 1 ) ، بقلم / سيد نصر
![استجواب امن دوله ( 1 ) ، بقلم / سيد نصر]()
مراجعة بواسطة
عبده جمعة مدير تحرير رؤية قلم
في
5:25:00 م
التقييم:
5
ليست هناك تعليقات