قالت بحبك بقلم/ وائل عبدالمنعم
وقفت عاجز قدامها
قالت بحبك
هزمني سكوتي
وقتلني كلامها
محبوسة
في عيوني دمعة
ومكتوم جوايا الصوت
وأديكي يا حبيتي
شايفة وسامعة
كل ما فيا داق الموت
وياقلبي ليه
فضلت الهروب
ولازمت السكوت
وليه سايبها
في عذابها
في جرحها تموت
وليه صحتها
من أحلامها
وليه مشافتش
غيري قدامها
أسف حبيبتي
أنا مش زيك جسور
ولا أقدر اعدي السور
أنا اللي الضلمة عمياني
ولا في مرة شوفت النور
الخوف رابط لساني
و جوايا بلف وأدور
خايف أنطق حبيبتي
خايف أثور
ياريتك ما تقولي
بحبك تاني
ياريتك تقولي أبعد
ياريتك تقولي أنساني
ليست هناك تعليقات