أحدث المواضيع

لابس طرطور؟ بقلم / عزة فراج



 





























لابس طرطور؟
طب ما تجرب مره تمشى لابسه فى وسط النور
ولا خلاص احنا اتعودنا نكشف راسنا....مفيش مَستور
الطرطور كان لابسه زمان أراجوز مشهور
كان بيدمع واحنا بنضحك ونصقف له بكل سرور
أما زمانا اللي محيرنا!!!!!!!!!!
فيه مليون أراجوز بيبَكى الخَلق ويضحك هو على المكسور
الاراجوز كان لابس بدلة فيها كام رُقعة وكان مَستور
أما صاحبنا فى ايده مصيرنا... قاعد واحنا فى ساقية ندور
طب وازاى نرفض ونثور؟؟؟؟
وكتير منا بيجرى ويلبس ميت طرطور
عايز تلبس ؟؟؟؟؟؟ روح واتعلم من أراجوز ماشي طول عُمره جنب السور
تخبط فيه الدُنيا ....يُصرخ دَمعه يجرى فى عينُه بحور
بس بسرعة يرجع يضحك.....يُرقص...... ما هو أراجوز وبمعنى الكلمة ...حالف يملى كلامه سطور

ليست هناك تعليقات