مسألتهاش بقلم : احمد السيد

 

مسألتهاش .. مسألتهاش
ولما سألت نفسها مقالتلهاش

الحب ضاع ولا اتنسى
ولا احنا بعض محبناش

مسالتهاش

حتى الكلام اللى معاها اتكلمه ..... مبقتش اقوله على صيغة سؤال

الرد ناشف قلبى كان يتحمله
واقول حرام وجودى جنبها ولا حلال

واعيد على نفسى الكلام
فى حياتنا ايه غير الخصام
ويبقى وشى فى وشها ومحسهاش

مسألتهاش
ولما سألت نفسها مقالتلهاش
الحب ضاع ولا اتنسى
ولا احنا بعض محبناشى

مسألتهاش

مرت علينا سنين كتير بالشكل ده
الفرحة كانت زيهـا زى الهلال

أسمع كلامك اصدقك لكن امورك مش كده
خليت عينينا قالت لنا الشوق محال

هو احنا ايه كان لمنا
غير حب ساكن قلبـنا
ولا كمان الحب طلعناه
معاش

-----------
واعيد على نفسى الكلام
فى حياتنا ايه غير الخصام
ويبقى وشى فى وشها ومحسهاش
مسألتهاش