سوبر ستار بقلم: محمد الشرقاوي‏

 

 

سوبر ستار
اكاديمي ستار
عرب ايــــدول
والله ما هي ناقصة
معرفوش يجمعونا
لمونا في التافهة
وزفزنا للهايصــــة
قدام التلفزيون
نقعد قعدة بلكون
نسمع ونتفرج علي
الشباب المايصة
سوبر وايدول
وحبتين بندول
والله باقي عليهم
يجيبوا لنا البيبي دول
والشورت والبندكور
وبنات مش لابسة
ضرب نفوخي يا ناس
وغلاوة ابو العباس
افتكرت اني ترباس
مبعرفش افرق بين
الغالية والتافهة
دلوني اعمل ايه
اقاوم واتكلم والا
اعوم مع العايمة
عمري ما كنت حمار
شايل بس اسفار
ولا عمت مع التيار
ولو ضربوني بالنار
أسعاري أهي باقية
بالقيم انا بنادي
ولا حي لمن تنادي
ضاعوا شباب بلادي
تاهت منا العقول
ياتقوموا وتفوقوها
وتصحوا وترجعوها
والا حلال عليكم
تاكلوا برسيم وفول
وتصقفوا لفيفي
وبوسي وهنادي