وجنب القلب بزرعها
شجر وغيطان
تقوم تطرح
يقولوا الطرح دا نقصان
يطيب التمر ويلعلع
عنب رمان
تقوم تجمع
وجمع الجمع بزيادة
كمد البحر ع الشطآن
تلاقي القسمة مقسومة
بلا نقصان
معادلة كون ودبّرها
إله واحد ونظمها
خلق كونه بلا عمدان
وتضرب كف بالتاني
تلاقي الدنيا محسوبة
بكلمة حق مكتوبة
كسهم في نُصْ أي ميزان
وتخسبها وربك أسرع الحُسَّاب
وتطرحها وتجمعها وتقسمها
وتضربها ومافي جواب
تسيب الملْك للمالك
وتمشي في طريق سالك
تلاقي الميه جاريالك
وتلقي الحب في كمك
وتدعيلك كمان أمك
تنول الحظ في شالك
دا قلب الأم رسْمالك
وتحت أقدامها جناته
ومزروعة شجر وغيطان
ليست هناك تعليقات