حاله من الحــب بقلم/ ناصر السمطي

 

 

 

 

حاله من الحــب
----------

( 1 )
تحـت جــدار الضـل
سبتي نظــرتيـــن
حـركتي صمـت الضي
والضمتـيـــن
جــوا دايرة المحتمــل
والاحتمــال دعــوتـيــن
يخرجــوا لغـاية الضــحى
والدعـــوتـيــن

عدى المكـان من هنــا
يضحك سكــات
يبكى سوسنـــة
من كام سنــــة
نبت البحــر ف دمنــا
شمس مايله للغــروب

بحبك رغم اختـلاف الشــوق
بحبك نجمـــة
جــوا القلــوب بتشـوف
كل دمعة عشق
كل فرحة صدق
كل قلب لعنيكي ملهــوف
بحبك رغم اختلاف الشــوق
(2 )

تحت جـــدار الحلـــم
نورتي صــوت الليل
شفت وسط الغمــام المبتدأ
والخبـــر 000رحيــــل
فـوق سنـيــن المـنتهى
بين شــواشي المستحيــل
يخـرج م حضـــورك
صباح المنتظر.. كي.. للتعليل
زي الخــــريف
عدت سنيــــن الجفا
زي الـدفــا
جــآت سنـيـــن المبـدأ
منين متشـــاور
تلقي الإيدين المتجه
آه.. يا حلـــم
قام من عزلته
شٌد جمــوح المبتغى
عايزك00000
عايزك لأخرضحكة في المشوار
وآخــر دمعة في المـلتقى
*******

بقلم/ ناصر السمطي