صعبان عليا : بقلم / هنــاء نــوار

۩۞۩ صعبان عليّا ۩۞۩

*****

برغم كل اللى عملته فيا ..

صعبان عليّا ..

جرحت فيّا .. 

قسيت عليّا ..

سهّرت ليلى و بكّيت عنيّا ..

و بدل منا اللى أصعب عليك ..

طلعت إنت صعبان عليّا .

حظى كدة .. 

بالشكل دا ...

أعشق و أدوب ..

و ألقاك كدة ...

قاسي و قساوتك بتهِد فيّا ..

صعبان عليّا 

صعبان عليّا حالى ..

ولا يصعب عليك يا غالى ..

مِ الحب أنا خدت إيه ...

أستاهل ما جرالى ؟؟

كنت كل دنيتى ..

كنت فرحى و دمعتى ..

كنت أغلى عندى منّى ..

حتى أغلى من نور عنية ..

و صعبان عليّا ..

قلبي اللى حَبك .. كان لك ضحية

مليته قسوة بعد حنية ..

إوعاه فِ يوم يِصعب عليك ..

لا والله دنت اللى صعبان عليّا 

حقيقي جد .. صعبان عليّا