شر البلية ....... بقلم / بهاء الدين بدوي

بقلم / بهاء الدين بدوي

 

شر البلية .. مايضحك ..

~~~ * ~~~ * ~~~

إزدادت ظاهرة البلطجة في مصر ، وازداد عدد من يسمونهم بأبناء الشوارع بمعدل لايدعو أبداً الى الاطمئنان .. وذات يوم بينما كنت جالساً على احدى المقاهي الشعبية عندنا في حي شبرا .. دار حديث عجيب بين المعلم (حندوأة) صاحب المقهى ، وصبيه (أبو أوأه) .. واسمحوا لي أن أنقله لحضراتكم
... -----------------------------------------------------------------

المعلم حندوأة :
أحكي لي وقل لي يابو أوأة ..
ايش صار بالليل في دي مدعوأة

أبو أوأة :
حاضر يامعلم حندوأة
بس أسحب نفسين م المحروأة
علشان أحكيلك برواءة ..

حندوأة :
قال يعني هيطربنا بطأطوأة

أبو أوأة :
ليلة إمبارح كان فيه خناءة ..
إتعور فيها عبده كفاءة
والواد مليم إبن أبو دومة .

حندوأة :
الواد مليم ابن أبو دومة ؟

أبو أوأة :
آآه .. اللي ودانه كانت مخرومة ..

حندوأة :
ايوة عرفته ..
اللي امه الرقاصة هنومة .

أبوأوأة يستطرد :
إكمن الواد ابن أبو دومة
كان ماشي في الحارة
ومعاه شومة ..
أوم قابله الواد عبده كفاءة
واتحرش بيه وشتمه شتيمه .
شكله كدا كان سكران طينه

حندوأة :
يمكن شاف فيلمين في السيمة .

أبو أوأة :
القصد .. اتغاظ منه الواد مليم ..
وبطح راسه بضربة شومة .

حندوأة :
وعبده كفاءة .. سكت بلا آفيه ؟

أبو أوأة :
إزاي يسكت ! دا دماغه حافية ..

حندوأة :
أيوة أنا عارفه طالع لخاله
شفيق زلومة ..
ها .. وبعدين ..

أبو أوأة :
طلّع موس من تحت لسانه
وشرَط بيه خد ابن أبو دومة

حندوأة :
يانهار طين .. ها وبعدين ؟ ..

أبو أوأة :
الواد مليم فتح المطوة ،
وضرب بيها عبده كفاءة .

حندوأة :
يامصيبة سودة .. وعوره فين ؟

أبو أوأة :
عبده كفاءة مسك بطنه
ومصارينه مدلدلة على كفه .
وسمعته بيعيط ويقول :
كده برضه يامليم بتعورني ..

وجات الاسعاف وشالت لتنين
ماعرفشي خدتهم على فين

حندوأة :
دي عيال صايعة ورد سجون
ومصيرهم معروف ايش حيكون .
هات لنا ياابني شوب لمـــون ..

~~~ ~~~ ~~~ ~~~