بصراحة ملينا"""""" بقلم محمود وحيد

بيجرجروكى لإيــــــه

يا بلادى انا خايـــــــــف

خوفى ما عدت اداريه

من خوفى مش شايــف

بكره بقاله كتير

رافض يناديكــــــــــــى

والهد والتدمير

بقى كل يوم فيكــــــى

هى الحكاية إيــــــه

والله ما أنا عــــــــــــارف

*******

الضلمة ليه لونك

والدمع فوق الخــــــــــد

مين اللى بيخونك

ليه رافضة بس الــــــــرد

النار فى كل مكان

والزرعة دبلانــــــــــــــة

والدم كالبـــــركان

بالدم غرقانــــــــــــــــة

عرى بقى المستور

فوقى يا بلدى بجـــــــــد

*******

يا بلادى ليلك طال

والتوهه واخدنــــــــــــــا

والحمل فوقك مال

متببعترة خطانـــــــــــــا

اللمة متفرقة

وعدونا راصدــــــــــــــك

بيجهز المفرمة

يا ويلنا من بعـــــــــــدك

فوقوا يا خلق يا هو

دا الفرقة هدانــــــــــــا
*******
بصراحة مش راضيين

عن توهة اولادك

يا ام الولاد تايهيــــن

ما تقفليش بابــك

هزى هلال العدل

ورى الخسيس توبــك

ما تسلميش للندل

وتقولى مكتوبـــــــــك

يا مصر عدى الليل

اشتقنا لنهـــــارك