علشانك يا مصر : بقلم / حلمى قاسم

"عشانك يا مصر"

***********

عشانك يا مصر

هاعبر بحـــور واخطى جسور

وارجــــع فأيدى الخير مبدور

واعدى بيكــــى ظلام الليل

واهديكى قلبى واكون مسرور

واتمنى اشــــــوفك زى زمان 

شمعة امــــل ومحبه و نــور

وام كل الـــــــــدنيا يا مصـــر

****

عشانك يا مصر 

هافرد جناحى واطير لبعيد

واغزل نجـــوم الليل عناقيد

واسرق جمال البدر واعــود

واجيكى تانى وقلبى سعيد

اهديكى عقدى وازين الخصر

***

عشانك يا مصر

هاكون مزارع واكون صنيعى

واكـــون حكيم وكمان تمرجى

واكون حماكى حارس و جندى

واصــون تاريخك و مجد جدى 

وارفـــــع بأيدى رايات النصـــر

***

عشانك يا مصر

هاعيش احبك واموت احبك

والود ودى اسكن ف قلبك

واتهنى وافرح بقربى جنبك

وابنى واعلى فيكى تملــى

صبحى وليلى ضهرى وعصر

***

عشانك يا مصر

هاقول وانادى عاشت بلادى

منصوره دايماً على كل بادى

محروسه بلدى من الأعادى

الله اكبر عاشت بـــــلادى 

يحميها ربــــــى من كل شر

***********