فى خورم ابرة وحطونى
للدنيا القاسية وتركونى
لو كانوا فكروا وسألونى
وانا لسة مفتحت عيونى
لا طلبت منهم يسبونى
فى الدنيا القاسية وظلمونى
ولما طلعت للدنيا
فى متر قماش لفونى
لا فى مرة فرحت ب لعبة
ولا فكروا فيا يلاعبونى
فى اللفه وقسيتى عليا
ومن كلمة بابا وحرمونى
وكبرت فيكى يا دنيا
بحارب شكى وظنونى
وشوفت كل أصحابى
بكملة بابا يبكونى
وعرفت ان اسمى يادنيا
يتيم الاب انا من يومى
وسنين والهم لبسنى
فصلت منه أنا هدومى
والفرحة معرفت قلبى
والدمعة ما جفت بعيونى
وكبرنا وقولنا قدرنا
وفى حمل كبير حطونى
وصبحت ولا طور فى الساقية
بيشد جبال لما عمونى
تيجى انتى عليا يا دنيا
بكفاية أصحابى ال خنونى
وال عملتة أنا خير فى سنينى
فى لحظة ضعف ونهرونى
ميت اخص عليكى يا دنيا
فارغة وتافهة بعيونى
وال حق عليا يا دنيا
اخترت أندال صحبونى
و صبحتى انتى يا دنيا
خورم ابرة فى عيونى
ليست هناك تعليقات