ينوبكوا ثواب بقلم : (هشــــــــــام عوض)
ينوبكوا ثواب
-------------
ليه المرار في الحـــب
والقسوه والضــــــنى
------------------------
دا برغم طبعك صــعب
لكن بحبك انــــــــــــا
------------------------
لما دخلتي القلــــــب
وكأنه كان من سنــــه
------------------------
فاتني المرار والغلـــب
ولقيت بداله الهَنـــــــا
------------------------
قالوا كتير فـ الحــــــب
وانا شفته كله هِـــــنا
------------------------
مهما تقول هنحـــــب
اصله دا مقسوم لــــنا
------------------------
------------------------
الحب طبعه عجــــيب
عارفينه كلـــــــــــــنا
------------------------
ملقتش اي طبــــــيب
يداويلنا قلبـــــــــــــنا
------------------------
السهم منه يصـــــيب
يربطنا في بعضـــــــنا
------------------------
وفـ لحظه تبقى حبيب
وتكون خلاص منــــــنا
------------------------
انا خوفي بكره نشيب
ونعيش بعيد وحــــدنا
------------------------
بتمنى وصله قريــــب
ويزول سوا همــــــــنا
------------------------
------------------------
طيب ينوبكوا ثـــــــواب
هنقوم نروح كلــــــــنا .
------------------------
تقولولوا قلبــي انا داب
ودا امره بيهمــــــــــنا
------------------------
قبلك حياته خـــــــراب
ومناه وكل المـــــــنى
------------------------
تتبدل الاسبــــــــــاب
وأملنا في ربـــــــــــنا
------------------------
إنك تواربي البــــــــاب
وسيبوني أقوله أنـــــــا
------------------------
حبك كتبته كتـــــــاب
وبدايته فيه حبـــــــنا
------------------------
------------------------
أيام وأحـــــــــــــــلام
(هشــــــــــام عوض)
الاثنين 25-02-2013م
ليست هناك تعليقات