سجن الهوى بقلم : محمد صبحى عمران

 

سجن الهوى

للشاعر محمد صبحى عمران

فى سجن الهوى كنت انا مسجون

سجن العذاب والضنا بابه كان مدهون

جواه مأسى الزمن يارب بس تهون

وال انكتب عليه الشقا يرضى بالمقسوم

فى سجن الحياة كلها كنت أنا المسجون

والدنيا عطيانى ظهرها وراضى بالمكتوب

على قد حبها كان الظلام مرسوم

مليانه بهمها كؤس علينا تدور

حزنها فاق فرحها واحنا علينا اللوم

عشناها طولها وعرضها وضاع منا النوم

ضعيف عايش فى زمن الدم فيه بالكوم

سبحانه رب العباد بيزيح هموم وهموم

عينى عليكى يابلد مش راضية بالمكتوب

فى سجن الحياة كلها أصبحت أنا مسجون

لا عاد فقر وغنى و أصبح م بينا حروب

والقتل ويا الموت أصبح علينا مكتوب

وبدل منتقدم عشقنا حدف الطوب

بنغرق مراكبنا فى بحر كله هموم

بالزمه مش عيب مننا نفضل كدا على طول

يا اخوانا دى ارضنا عاشقه للمحبوب

وحياة حبيبي النبى نهدأ شوية نفوق

كفايه خلاف هدنا وننهض كدا ونقوم

دى مصر دى أمنا ونرضى بالمقسوم

وادينا فى ايد بعضنا كفنا يا خلق هموم

مسجون فى سجن الهوى ونفسى راح مكتوم

يارب تنهض مصرنا يا اما القيامة تقوم

مسجون بينعى همها وراضى بالمقسوم

بقلم : محمد صبحى عمران مصرى بيحبها