عذاب القرب ... بقلم / سميرة الاسريجي

بقلم / سميرة الأسريجي

 

عذاب القرب
-------------
بعد الغيبه راجعلى تسلم --بالحنيه جاى تتكلم
جاى تقولى واحشنى كلامك-- جاى تقولى فين ايامك
جاى من تانى فى قلبى تعلم -- جاى تقولى انا قلبى اتالم
... جاى بسحر عنيك تسحرنى -- جاى بكلام معسول تفتنى
تبعد عنى وتيجى تلومنى -- وعن اشواقى اليك تسالنى
جاى تحايلنى وتفكرنى -- ان بسبك قلبى هزمنى
طب فهمنى -- قول كلمنى
حاسب نفسك -- قبل ماتييجى عشان تحاسبنى
فاكر انك يوم ماهاترجع -- هتلاقى حضنى
لاء روح ياابنى -- انا ماارجعشى للى يسابنى
انا حبيتك لما لاقيتك -- كنت حاببنى
واما احتاجتك تبقى الضهر اللى بيسندنى
كنت ببعدك هاتموتنى
انا مااسمحش اكون لك حاجه -- لو تحتاجنى بكلمه تجيبنى
اعرف قدرك فيا وعاندى --واحذر صبرى عليك مع عيندى
انا سيباك -- قبل ماييجى اليوم وتسبنى
ابعد سبنى -- قربك منى هايعذبنى