بلادى بقلم / سيد فاروق

بلادى

بقلم / سيد فاروق

من ديوان على بابك

عن سلسله عزف القلم

بلادى
...

وحلفت لا احرر بلادي

من كل ظالم و طاغي

وما حا اقبل فيها باغي
...

ح أحررك بالعلم

ح أحررك بالعمل
...

واطهرك م النهب

وح ازرع الأمل
...

وح اعيش على عيشك

وح اقوي في جيشك
...

يا زهرة معلمة ف عمري

يا فرحة جت بعد صبري
...

يا مصر يا أمي

. يا مصر يا عمري

يا مصر يا حبي

. يا مصر يا زهري
...

يا شمسي ف الضلمة

يا شوقي للنسمة
...

أنت شفايفي والكلمة

يا بلادي
...

يا ما صبرت يا بلادي

صبر الجمال ف الصحاري
...

وحفظتي لى زادي

عطشانة وتداري
...

لازم أرد جميلك

أفديكي بحياتي
...

دا شهدي من نيلك

دا ماضي ودا أتى
...

يا عشق ف عروقي

يا حرة يا طاهرة
...

يا فرحي يا شوقي

عاصمتك القاهرة
...

عمري فدا أرضك

عمري فدا قنالك
...

شرفي أنا عرضك

وآمالي آمالك.
...
ـــــــــــــــــــــــ
,,,
,,,
,,,
سيد فاروق