مركب من غير شراع .. بقلم / محمد لبيب

بقلم / محمد لبيب

 

يا مركب من غير شراع
وســـايق من غير ودان
بتغــرق ولا أنت شايف
...
يا مركب من غير شراع
بأهـــات جــــوع العيال
الموجـــة عالية عليـــك
والكرسى واســـع فيك

يا مركب من غير شراع
شــــراعــك مــع الآذان
ياعـــم فووق شــــويه
وأنسى قيــــود زمـان

يا مركب من غير شراع
السمـك عمـــال يلالى
بحـــوت عمــال يهاتى
براســك رايـح لفيـــن

يا مركب من غير شراع
مقــدافـك راح يــــروح
بصرخــة منها خــــوف
من الجاى .
ومن اللى رايح

يا مركب من غير شراع
هـ تلاقى كل شبابك
بيشـــدو منك لجامك
وهاتسكن تانى قيودك
وتنزف بــدمـوع العـيـال
اللى مـــاتو أدامــــــك
وأنــت بتشـد اللحــاف

يا مركب من غير شراع
أمتى ها تصحى ياسيدى
وتشـــد مـركب شراعك
وتــراعى بحــور سمــاك
يا مركب من غير شراع