مركبة ورق ... بقلم الشاعرة / جيهان فتحي

بقلم / جيهان فتحي

 

ومسكت ورقة وقلــــــــــــم
ورسمت أحلامــــــــــــــــي
...

هو رسم مركـــــــــــــــــــبة
والبحر أوهامـــــــــــــــــــي
لملمت كل إرادتـــــــــــــــي
وعملت منها شـــــــــــــراع
وكتبت ع الســـــــــــــــاري
بكرة هكون يا جــــــــــراح
ورميتها ف الميــــــــــــــة
يمكن تلاقي بــــــــــــــراح
خبطت هنا ف صخـــــــرة
من بخت أيامــــــــــــــــي

حاولت أعدلهـــــــــــــــــا
وأقيدلها الأفــــــــــــــراح
قَـلـَـبـِتـْها من تانـــــــــــي
عاتية قوي يا ريـــــــــاح
ده أنا قلبي لسة ضعــيف
مولود في فصل خريــف
كل ما اشب وأقـــــــــوم
بتهدني التخاريــــــــــف
وأتاري بحري يا نـــاس
إعصار نزيف وجــراح

جاني على المركـــــب
فارس وقلبه حنــــــون
قالي يا بلطيــــــــــــــة
ف عنيكي أنا مفتــــون
خديني ضمينـــــــــــي
ومعاكي نسينـــــــــــي
أحزاني وأنينـــــــــــي
ف إديكي أنا هرتــــاح
بقلبي صدقتــــــــــــــه
حبيته وعشقتـــــــــــــه
فجري خلاص أهو لاح
فجأة بمد الإيـــــــــــــد
واضم لحن العيـــــــــد
لاقتني ف المركـــــــب
نايمة وحلمي جنــــــون