مصر تتالم وتبكي وتتكلم .. بقلم الشاعرة / سحر حبيب جمال

بقلم / سحر جمال حبيب

 

عينى ع اللي بيجرى لي
ده الكل بينهش لحمي
...

طمعان فـِ عزى و مالي
و التمن شهداء من دمي

اللي ناهبني هم اللي مني
اهلي و ناسي و حبايبي
و عَدّوي فرحان متهني
مستني وُقٌوعي من بدري

يا جنودي يا ولادي و ثواري
انا بنّده من عِزم ألآمي
مسروقة و لا قادرة اتكلم
مجدي بيتسرق قدامي

ياللي بتهتفو بـِـ بلادي
و شربتو من ماء النيل
رجعوا المجد لفؤادي
ويتورث جيل ورا جيل

ياللي بتلعبوا م الباطن
و تبيعوا و تشتروا فية
انا ملك لكل مواطن
ده أنا مصــــر أم الدنيا

ممنوعة انا م المزاد
مهما ادفــــــع فية
انا مهري خلاص ادفع
مهري ده مش نقدية
ده عَزة و نصر و كرامة
لأحلىَ و أجمل صبية