حبيبي وصاحبتي ... بقلم الشاعرة / سحر جمال حبيب

بقلم / سحر جمال حبيب

 

اغلىَ اتنين فــ حياتي
حبيبي و صاحبتي
...

كانوا اعز ما لية
كانوا هما دنيتي

اديتلهم الامان
كنت عايشة بيهم
اتاريني بتخان
و الفرحة مليّة عنيهم

جرحي إزاي انساه
جرحي كان بإيدهم
كنت بقول حبايبي
حبي خسارة فيهم

آه علىَ الخيانة
لما بتيجي من قريب
مشفتش غير اهانة
إلا من الحبيب

أجيب الصبر منين !!
ده عذابي بيألمني
لو قولت كتير و هحكي
مين و لا مين ظالمني

ذنبي ايه يا زماني
جرحوني ليه حبايبي
سُبوني مع احزاني
اداوي جرح قلبي