جاى على بالى .. بقلم : وفاء أحمد

انا جاى على بالى اغنيلك
كانك شط و انا نيلك
كانك بحر و انا مراكبى

و على كل الموج العالى
راح افوت و اعدى
يا حبيبى انا كل احساسى
كونته جوايا و خبيته
حتى عن ناسى
و قلت ده عشان حبيبى
و حتى و لو كان لحبى ناسى
انا جاى على بالى تقعد جارى
تبص فى عينى لما اقولك اشعارى
وجاى على بالى اقعد وحدى
استناك و اشوفك و انت معدى
انا جاى على بالى اسلم بعيونى
و تشوف جواهم فى بعدك
ازاى بسهرهم تعبونى
و جاى على بالى اصرخ
و اقول انى باحبك
و خلاص مش قادرة تانى
ابعد عنك
حبيبى ارجوك حس بحبى
انا حاسه انى باكلم نفسى
معقول مش جاى على بالك شوقى
و لا سامع صوت قلبى
اللى بيصرخ حتى وقت هدوئى
مش حاسس انه بيحبك
مش واضح انه بينادى باسمك
صدقنى لو ترضى بقربى
راح اقضى الباقى من عمرى
علشان بس اسعد وقتك