تعرف .. بقلم : وفاء أحمد
تعرف تحس احساسى
و تشوف و تعد انفاسى
اللى بتهمس باسمك
كل لحظه
يعنى تحس انا حالى ايه
فى وجودك
قد ايه بافرح
اول ما باشوفك
او حتى اعرف انك جاى
و حس اللهفة جوايا
و ازاى ما باكونش
قادرة اخبى هوايا
طيب تعرف تشوف بعنيا
عشان تعرف انك مرسوم
جواهم
و ملامحك اوى عاجباهم
و ازاى مبتقدرش تغمض
فى وجودك
لانها على قد ما تقدر
عاوزة تحتفظ جواها
باكبر قدر من تفاصيلك
و تعرف لما بتضحك
ازاى بتور دنيتها
و لما تكشر و لا بتزعل
بتكره كل شىء حواليها
حتى عيشتها
طيب تعرف تدخل جوه قلبى
عشان تشوف مقدار حبى
و ان مفيش غيرك انت
ساكن و منور كل مكان فيه
و الاجمل انك مطمنه و مهديه
و مانع غيرك يدخل
او حتى يقرب
و لو يوم فكر يستأذن
هتقوله ده انا ساكن
من الاول
و خلاص القلب ده لغيرى انا
مش هيحب و لا يجرب
بقلم : وفاء أحمد
ليست هناك تعليقات