زئير الحمام بقلم : الشاعر محمد اليماني
زئير الحمام
بقلم : الشاعر محمد اليماني
---------------------------------
كسَر فى الحواجز
ابنى فى الجسور
انجد اللى عاجز
عدى ليه بحور
امشى فى النجوع
ادخل كل حارة
نور بالشموع
حتى لو مغارة
عشنا سنين ضلام
ماتت كل فكرة
ازاى من غير كلام
يبقى لينا ذكرى ؟
طالع جيل أصيل
صبرنا كان بداية
مهما كان طويل
لازم ليه نهاية
الفجر مهما غاب
لازم ليه بشاير
بص ع الشباب
تلقى الدم فاير
موش هايعيش ذليل
لوطنه مالوش بديل
كرامته ليه دليل
فى الجد مالوش مثيل
تلقاه نمور تغير
اسود سباع تطير
صوته ليه زئير
بعد ماكان هديل
فى الميدان حمام
إن واحدة كالها ضبع
يرجَع فى البرام
من بطنه ألف سبع
بارك الله فيكم جهد رائع
ردحذفجزيتم بالجنة
تحياتي بروح ادبية، فكرية اخلاقية، من المدون المغربي محمد بوعلام عصامي
ردحذف