مجلة رؤية قلم / الحفيد / بقلم / الشاعر نبيل الوردانى / تحياتي وفاء غريب....
( الحفيد )
جانى الحفيد
وقال ح فيد
بالفعل فدنى
لكنه خدنى
ف سكه برحه
وراح بعيد
رسملى فرحه
على الخدود
ناولته بوسه
دخلت فقلبى
مش ناويه تطلع
وآه ياحوسه
أمسحها ممكن
وامسحها ليه
واقوله إيه
لو مره عدى
ف وقت شده
وسألنى فين
ياجدو بوستى
أقوله راحت
أقوله ساحت
أكدب عليه
أخاف يلومنى
وتبقى عاده
مش حلوه منى
بحكم سنى
بقيت ف حيره
قلت اصارحه
احسن طريقه
وبالحقيقه
واقوله بوستك
عشان بحبك
مزروعه فيا
ولما تكبر
أخدها ليا
أزرعها تتطرح
جوه ف عنيه
إن بكره عشت
أو حتى مت
اسيبها ذكرى
تذكرنى بيها
واعيش عليها
والذكرى حب
تسكن ف قلب
مالهوش ذنب
غير إنه حب
وحب مين
حبك إنت
مش حب عادى
ياحته منى
تغنينى عنى
وكفايه إنى
بطير معاكو
وأنسى سنى ..
(نبيل الوردانى)
شاعر
ليست هناك تعليقات