بقلم منير خاطر ....امال الوفاء

عينى علينا لما نكبر 

ونحتاج لغيرنا أكتر 

وشمسنا خلاص بتغرب 

والكل يزهق ويهرب 

لما ننادى وماحد يسمع

والعيون تبكى وتدمع

لما تتقسم ع الولاد 

ويقولوا دا حمل زاد

واحد يقول انا زهقان

والتانى يشتكى عيان

ويحصل بسببك خلاف

ومحدش على شعورك يخاف

تسمع وتشوف من سكات 

اهلك بيستنوا الممات 

ويبقى الحل ف كلمتين 

همه دار المسنين

ولما تستنى يزوروك 

وتلاقيهم يوم نسوك

ولما تنام صعبان عليك 

والدموع باينه فى عنيك

وتسأل زميلك فى الحجره

سؤال بتقولو كل مره

أمال فين الوفاء 

يجاوبك مش على الأرض 

جايز نلاقيه فى السماء

منير خاطر