(( علشان م عينيك )) للشاعر ~~~~~ رضا ابو الغيط
علشان م عينيك
كلمات / رضا أبو الغيط
*************************
علشان م عينيك سوده وحلوين
وقفت قلوب الناس صفين
يا شاغلنى وشاغل قلبى معاك
مش عارف أهرب منك ...فين
يا شاغلنى بنن ورمش العين
ناسانى هواك .انا ساكن فين
انا بيك مفتون ..عاشقك بجنون
ونسيت وياك ..كل العناويين
يا تاعبنى هواك ليل ويا.. نهار
قلبى اللى معاك ف هواك محتار
وخاصمنى النوم كده من كام يوم
والغيره عليك م اللى حواليك بتزيد النار
من توبك والله قلبى يغير
وان مس التوب عصفور بيطر
يا مسهر عينى ف عز الليل
م تخف التقل ..ده والله كتير
لا انا عارف على شطك أرسى
ولا شايف ليك بر ومرسى
يتجينى ........يتقولى أجيلك
يتقولى خلاص ..ابعد وانسى
ازاى بس أنسى وقلبى معاك
يا أبو أحلى عيون و أجملها ملاك
مهما ها تقسى.. قلبى ها ينسى
ليست هناك تعليقات