كلمات : ( حسن الشافعي ) ( حَضَن البارود )
مساؤكم جميل في حب مصر ... يا أحلى ورد النيل يا ولاد مصر
.
تغريدة في حب مصر بعنوان ( حَضَن البارود ) .. ( عامية ) مهداة لروح كل شهيد
.
حضن البارود ع الحدود واقف يصلي
يكتب بدمه في مجدها ويعلي
لاجل الغالية ما تحضن رايتها السحاب
وع الباب واقف أقول واغني
باسمك يا غالية وشايلك ف قلبي
وكما الحبيبة جوا العين والنني
واقفل عليك برمشي وأظلل
وافرد كفوفي واشيلك يا حتة مني
والله يعيني ....
ساجد في محرابه وقائم بصلي
وأدعيه يحفظك ويصونك ....
من القريب والعدا واللي يخونك
منزوع الضمير تملي ....
وأنا الحارس في محرابك ....
أنا الواقف على بابك ...
ما يدخل م العدا عويل ...
أو يشم ترابك ....
واللي يهابك ....
أصله صديق مش خايف ....
لكنه شايف ....
ولادك كلهم جنودك ....
حامية عرينك أسودك .....
في الشدة كلهم رجال ...
وف الرخا كما الخال يزينوا خدودك
بغني وأقول موال ....
واروي ترابك وارعى ورودك
والطلقة سابقة ع العدا ...
جوا القلوب بارودك
جوا القلوب حنين يهز جدار الصمت خلاني
حفرت اسمك ع الجبين ....
كتبت فيك كل الأغاني ....
قدمت روحي سنين ....
وأنثر أمل وأماني .....
فوق كتاف السهرانين ....
لون العلم وجداني ....
هجم العدا الخاينين ....
فديت بالروح خِلاني .....
ولو ترد الروح عشرين ...
هافديك بالروح من تاني ....
واكتب بدمي وأعلي ....
اسمك يا غالية يا حتة مني ...
يا مصر .....
يا أغلى عليَّ مني .
.
كلمات : ( حسن الشافعي )
.
ليست هناك تعليقات