يابنت الناس بقلم / حسن توفيق

أنا لاعندى دهب ولانقدية

ماشى على رجلى ..

مش على إيديا

وانتِ محتاجة بنوك ..

وعربية

راسمالى شوية حروف ..

ومرْمية

مقصوصة الجناح ..

ماشافت أى نجاح

كان عندى كم لوحة

راحوا ع الطعمية

ألوانك دى سخنة ..

ألوانى مائية

سكتك للغروب

سكتى للشروق

مشيتك فتنة ..

مشيتى مستقيمة

يابنت الناس ..

كفاية بقى تشكية ..

القاضى تعب منك ..

ساب القضية

الناس طلعت القمر ..

وانتِ مستنية

زرعتلك ورود ..

وصنت كل العهود

زرعك مليان هموم

والغم كان أمنيّة

-----------------------

حسن توفيق

2015/11/25